Ole nọ O Vi Ile

3 “Nọ mẹ jọ ehru ehwa mẹ evaọ aso,

Mẹ tẹ jẹ gwọlọ ọnọ me* you na.+

 2 Mẹ rẹ kpama re mẹ nya okpẹwho na wariẹ;

Evaọ iyẹrẹ na gbe iko-ore na,

Jomẹ gwọlọ ọnọ me* you na.

 4 Nọ mẹ nwane nyavrẹ rai no

Mẹ tẹ ruẹ ọnọ me* you na.

Me kru rie, mẹ rọwo siobọnoi hi

Bẹsenọ mẹ rọ rehọ iẹe ziọ uwou oni mẹ,+

Kpohọ ubrukpẹ ọnọ ọ wha eva mẹ.

 5 Mẹ be ta kẹ owhai nọ wha rọ igbosu avọ erua* duwu iyei,

O whai emetẹ Jerusalẹm:

 6 “Kinọ eme o bi no obọ udhude ze nọ o wọhọ ikulu iwiri na,

Nọ u bi gbo ore mọr avọ frankinsẹns,

Je bi gbo emamọ ore epọda sa-sa erọ ọgba-ọhreki?”+

Ezae egaga udhosa e wariẹ e riẹ họ,

Nọ i no usu ezae egaga Izrẹl ze,+

 8 Ọgbọdọ ọ rrọ aikpobi obọ,

A wuhrẹ aikpobi epanọ a re fi ẹmo,

Ae omomọvo ọ thọrọ ọgbọdọ riẹ fihọ eku

Re a rou irou fiki idudu aso na.”

 9 “Onana yọ ehwa* uvie orọ Solomọn ovie na

Onọ ọ rehọ ire Lebanọn+ ru kẹ omobọ riẹ.

10 Ọ rọ isiliva ru ipila riẹ,

Jẹ rọ igoru ru eware nọ i kru oma riẹ.

Iwhulu ogorurẹ o ro ru oria ẹkeria riẹ;

A nabe whẹ erru họ obeva riẹ ziezi

Emetẹ Jerusalẹm họ enọ e whẹ erru họ iẹe.”

11 “Wha nya via, O whai emetẹ Zayọn,

Wha rri Solomọn ovie na

Nọ o ku etu* ehaa orọo họ, onọ oni riẹ+ o ru kẹe

Evaọ ẹdẹ ehaa orọo riẹ,

Ẹdẹ nọ oghọghọ o jọ udu riẹ.”