Ilezi

86 Fi ezọ ra hotọ,* O Jihova, re who yo kẹ omẹ,

Keme mẹ be reoja, mẹ tẹ jẹ rrọ oyogbe.+

Siwi odibo ra nọ o fievahọ owhẹ,

Keme whẹ họ Ọghẹnẹ mẹ.+

 3 Rri omẹ aro, O Jihova,+

Keme me bi bo se owhẹ ẹsikpobi.*+

 4 Ru odibo ra* ghọghọ,

Keme whẹ họ ọnọ me bo se,* O Jihova.

 5 Keme who woma, O Jihova,+ yọ whọ ruẹrẹ oma kpahe re whọ rọvrẹ;+

Whọ vọ avọ uyoyou nọ o rẹ hiẹ hẹ kẹ enọ i bi bo se owhẹ kpobi.+

 6 O Jihova, gaviezọ kẹ olẹ mẹ;

Kezọ kẹ ubo mẹ kẹ obufihọ.+

 7 Me re bo se owhẹ evaọ oke idhọvẹ mẹ,+

Keme who ti yo kẹ omẹ.+

 8 Ọvuọvo ọ wọhọ owhẹ evaọ usu eghẹnẹ na ha, O Jihova,+

Iruo evuevo nọ e wọhọ era e riẹ hẹ.+

 9 Erẹwho nọ whọ ma na kpobi

A te nyaze ti guzou kpotọ kẹ owhẹ, O Jihova,+

Yọ a te kẹ odẹ ra orro.+

10 Keme whọ rrọ ruaro je bi ru eware igbunu;+

Whẹ họ Ọghẹnẹ, whẹ ọvo.+

12 Mẹ be rọ udu mẹ kpobi jiri owhẹ, O Jihova, Ọghẹnẹ mẹ,+

Yọ mẹ te kẹ odẹ ra orro bẹdẹ bẹdẹ,

13 Keme uyoyou nọ o rẹ hiẹ hẹ nọ who wo kẹ omẹ o rrọ ruaro,

Yọ who siwi uzuazọ* mẹ no edidi Uki.*+

14 O Ọghẹnẹ, ahwo omorro a be kpareso omẹ;+

Utu ezae egeva e be gwọlọ uzuazọ mẹ kpe,*

A wo adhẹẹ kẹ owhẹ hẹ.*+

15 Rekọ whẹ, O Jihova, whẹ yọ Ọghẹnẹ ohrọ-oriọ avọ ọdawẹ,*

Ọnọ ọ rẹ kaki mu ofu hu yọ ọ vọ avọ uyoyou nọ o rẹ hiẹ hẹ gbe ọtẹruo.*+

Rehọ ẹgba ra kẹ odibo ra,+

Re who siwi ọmọzae ọrigbo ọmọtẹ ra.

17 Kẹ omẹ oka* ewoma ra,

Re enọ i mukpahe omẹ e ruẹse ruẹ e riẹ re oma o vuọ ae.