Aizaya

64 Dodokọ whọ bẹre idhiwu na je nwrotọ ze

Re igbehru na i nuhu fiki ra,

 2 Wọhọ epaọ okenọ erae i re ru eghraghra-ire muhọ ẹto,

Erae na i ve ru ame họrọ na,

Kẹsena ewegrẹ ra e vẹ te riẹ odẹ ra,

Erẹwho na i ve nuhu evaọ aro ra!

 3 Okenọ who ru eware nọ i re mu ọwhewhe nọ ma tube rẹro rai vievie he,+

Whọ ziọ otọ, igbehru na i te nuhu fiki ra.+

 4 No anwae ze, ohwo ọvo o ri yo hayo gaviezọ họ,

Yọ ubiẹro ovo o re ruẹ Ọghẹnẹ nọ ọ wọhọ owhẹ hẹ,

Ọnọ o re fiobọhọ kẹ enọ i gbe bi rẹro riẹ.*+

 5 Whọ nyabru enọ e be rọ oghọghọ ru oware nọ u kiehọ+ ze no,

Enọ e be kareghẹhọ owhẹ je bi lele idhere ra.

Rri! Eva e dha owhẹ okenọ ma gbẹ jẹ raha uzi,+

Ma ru ere oke krẹkri.

 6 Mai kpobi ma wọhọ ohwo nọ ọ fo ho no,

Yọ iruẹru ẹrẹreokie mai kpobi e wọhọ ohọ aye nọ ọ rrọ oke riẹ.*+

Mai kpobi ma ti lo no wọhọ obe ure,

Yọ iruthọ mai e te wọ omai kufiẹ wọhọ ofou.

 7 Ohwo ọvo ọ riẹ nọ o bi se odẹ ra ha,

Ohwo ọvo o bi nuhu oma re o kru owhẹ hẹ,

Keme whọ kuọ ovao ra dhere omai no,+

Who te je bi ru omai dọ* fiki* oruthọ mai.

Mai họ ọviẹ na, yọ whẹ họ Ọmebẹ mai;*+

Mai kpobi yọ iruo nọ whọ rọ obọ ra ru.

 9 O Jihova, jọ eva e dha owhẹ ga hrọ họ,+

Whọ kareghẹhọ oruthọ mai bẹdẹ bẹdẹ gbe he.

Zayọn o zihe ruọ udhude no,

Jerusalẹm kọ otọ nọ o raha no.+

11 A rehọ erae mahe+

Uwou* mai nọ o rrọ ọrẹri je wo oruaro* na no,

Oria nọ esẹ-esẹ mai e jẹ jọ jiri owhẹ,

Yọ eware kpobi nọ ma rri ghaghae e raha kuotọ no.