Ole avọ 115
Joma Ru Edhere Mai Kiehọ
Onọ A Printi
1. Ma re s’Ebaibol na gboja
Je sei kẹdẹ kẹdẹ.
Rọ udu totọ sei kpobi;
Hai roro je y’ẹme.
Jọ o hae kpọ uruemu mai,
Gb’ẹmeunu mai kpobi.
(OZAA)
Who te sei who ti w’eghale
Nọ Jihova rẹ kẹ.
Ẹsikpobi hai y’ẹme riẹ.
Re u woma k’owhẹ.
2. Nọ ivie je su Izrẹle,
A j’uzi nana kae:
‘Ovie kpobi rẹ r’obọ riẹ
Kere IziỌghẹnẹ.
Ọ vẹ hai sei ẹsikpobi,
Re ọ seba ekie.’
(OZAA)
Who te sei who ti w’eghale
Nọ Jihova rẹ kẹ.
Ẹsikpobi hai y’ẹme riẹ.
Re u woma k’owhẹ.
3. No ma te bi s’Ebaibol na,
Ma re w’omosasọ.
Ma gbẹ te ruawa ofa ha;
Ẹrọwọ mai te ga.
Ma tẹ rọ Ẹme riẹ t’udu,
Ma re w’ẹnyaharo.
(OZAA)
Who te sei who ti w’eghale
Nọ Jihova rẹ kẹ.
Ẹsikpobi hai y’ẹme riẹ.
Re u woma k’owhẹ.
(Je rri Izie. 17:18; 1 Iv. 2:3, 4; Ol. 119:1; Jeri. 7:23.)