Ẹme-Obotọ

c Ikereakere na e fodẹ eware ivẹ nọ a je ru thọ. Orọ ọsosuọ, uzi na o fodẹ abọ nọ izerẹ na a rẹ re evaọ arao nọ a bi ro dhe idhe. (Izie. 18:3) Rekọ evaọ uwou-udhu na, izerẹ iyoma na a je ru lele oyena ha. A rẹ ta kẹ idibo rai re a duwu ugẹji nọ u wo egha esa họ ẹbẹro nọ a bi ro there arao na, a vẹ rehọ onọ a duwu lahwe kpobi. U te no ere no, nọ ohwo ọ tẹ rọ arao ze ti ro dhe idhe, izerẹ iyoma na a vẹ ta kẹ idibo rai nọ a d’aro ku ọnọ o bi dhe idhe na re ọ kẹe ẹkẹ arao ọkpokpọ dede nọ a re rehọ iwhri arao na dhe idhe kẹ Jihova ha.—Izerẹ 3:3-5; 1 Sam. 2:13-17.