• “Iruo Kpobi Nọ I Te Ohwo E Ruo”
    Uwou-Eroro Na—1997 | Asa 1

    • 13. (a) Ẹvẹ obe Ọtausiuwoma Na 9:4, 5 o ro fiobọhọ wo emamọ eriwo ọrọ ele oruaro gbe ogaga? (b) Didi uzẹme ma rẹ rẹriẹ ova ku otẹrọnọ uzuazọ onana ovo o riẹ? (Rri eme-obotọ na.)

      13 Kọ erere vẹ oruaro gbe udu otiọye na o rẹ wha ze evaọ uwhremu riẹ? Wọhọ epanọ oge jọ ọ be nyavrẹ ọfa ọ vẹ jẹ nyaze na, ere ahwo ilogbo hayo erọ ogaga a bi whu vrẹ a vẹ jẹ thọrọ ẹro no. Onana o rọ uzẹme kpahe ebebabọ, ahwo nọ i re kporo ile gbe otu ọ arozaha, enọ e be gwọlọ enwene eva eyero ahwo akpọ, gbe efa, wọhọ epanọ o rọ uzẹme kpahe ahwo buobu nọ i bi hrowo esuo gbe ahwo ilogbo isoja na. Rọ kpahe iruo itieye na, bro ahwo whọ riẹ nọ e rria no evaọ udevie ikpe 1700 gbe 1800 na? Solomọn ọ ta gbagba, inọ: “Arakọ ọkpokpọ o woma vi okpohrokpo owhuowhu. Keme enọ e rọ uzuazọ a riẹ nọ a reti whuẹ rekọ iwhuowhu e riẹ oware ovo ho, . . . keme a thọrọ ẹro no.” (Ọtausiuwoma Na 9:4, 5) Yọ otẹrọnọ uzuazọ onana ovo họ onọ o riẹ, koyehọ re a le oruaro gbe ogaga yọ oware ufofe gheghe.a

  • “Iruo Kpobi Nọ I Te Ohwo E Ruo”
    Uwou-Eroro Na—1997 | Asa 1

    • a Okejọ o jariẹ nọ Uwou-Eroro Na ọ rọ ta eme areghẹ enana: “Ma re du raha oke mai kufiẹ hẹ . . . Otẹrọnọ uzuazọ onana ovo họ onọ o riẹ, koyehọ oware ovo u fioka ha. Uzuazọ onana o wọhọ obọro nọ a gbolo kpehru nọ ọ rẹ wariẹ kie fihọ otọ. Uwoho ubroke gheghe o rọ, ododo nọ ọ rẹ hiẹ, ẹbe nọ a gbẹre o ve yolo no. . . . A tẹ rehọ uzuazọ mai wawo ebẹdẹ bẹdẹ, u tulo ho. A tẹ rehọ iẹe wawo ezurie ame oke nọ u bi su vrẹ, ogẹgẹ osese gheghe o rọ. Evaọ uzẹme [Solomọn] ọ ta gba nọ ọ kiẹ awaruọ gbe iruẹru uzuazọ ohwo-akpọ buobu riwi je whowho ai nọ ifofe. Ma rẹ kaki whu epaọ ẹsenọ a hai tube yẹ omai dede he, omọvo ima-idu ahwo nọ a yẹ je whu, avọ ahwo kakao gheghe nọ a rẹ riẹ sọ a tube yẹ omai dede. Onana o rọ ogbẹta hayo eme ọkora hayo ọrọ idudu hu. Onana uzẹme, ubiẹme, eriwo ọliọliọ, otẹrọnọ uzuazọ onana ovo họ onọ o riẹ.”—August 1, 1957 (ọrọ Oyibo), ẹwẹ-obe 472.