Oma O Wọ Rai Kpohọ Iruo!

 4. Eruẹaruẹ Joẹl vẹ i rugba evaọ ẹdẹ Pẹntikọst 33 C.E.?

⁴ Nọ ẹzi ọfuafo na o te ai obọ no, ilele na evaọ Jerusalẹm a raha oke he re a ghale usiuwoma esiwo na kugbe amọfa, a muhọ kugbe ogbotu nọ o kokohọ evaọ ohiohiẹ ọyena. Usiuwoma ota rai u ru eruẹaruẹ igbunu jọ via, onọ Joẹl, ọmọzae Pẹtuẹl, o kere ikpe egba eree nọ e vrẹ: “Me re ti ku ẹzi mẹ ku ehru iwo kpobi; nọ emezae avọ emetẹ rai e jẹte ruẹaro, nọ ekpako-ezae na e jẹ te wezẹ ewezẹ, nọ emoha rai e jẹ te ruẹ eruẹaruẹ. Ere me re ti ku ẹzi mẹ ku ehru idibo emezae avọ e rọ emetẹ, eva edẹ eyena . . . re ẹdẹ ologbo avọ idudu ỌNOWO na ọ tẹ ze.”—Joẹl 1:1; 2:28, 29, 31; Iruẹru 2:17, 18, 20.

 5. Edhere vẹ Ileleikristi ikpe-udhusoi ọsosuọ na a rọ ruẹaro? (Rri ẹme-otofa na.)

⁵ Kọ onana u dhesẹ nọ Ọghẹnẹ ọ te rehọ eruẹaro buobu mu, te ezae te eyae, epanọ ọ rehọ Devidi, Joẹl, gbe Debora mu na, ọ vẹ rehọ ae ruẹaro kpahe obaro na? Ijo. ‘Emezae gbe emetẹ avọ idibo ezae gbe idibo eyae’ Ileleikristi a te ruẹaro keme ẹzi Jihova ọ te kẹ ae ọwhọ re a whowho “iruo ogaga” nọ Jihova o ru gbe enọ o bi ti ru. Fikiere a te jọ wọhọ etota Ọnọ Ọ Mae Rro na.a Rekọ didi owọ ogbotu na a jẹ?—Ahwo Hibru 1:1, 2.