Nọ ọ ruẹ inwene nọ ọzae riẹ o ru no, Mihoko omariẹ o te muọ eware nọ o bi wuhrẹ họ efihiruo. Ehri-uzi jọ nọ u fiobọhọ gaga ona: “Wha gu ahwo ho, re a se owhai ba eguo. Keme oziẹ nọ owha ro bru a je ro bru owhai re.”e Fikiere Mihoko avọ ọzae riẹ a tẹ jiroro nọ a rẹ t’ẹme kpahe abọ owoma rai gbe epanọ a sai ro nwene viukpenọ a rẹ gwọlọ ẹthọthọ ohwohwo. Eme o no rie ze? Mihoko ọ kareghẹhọ nọ: “U ghine ru eva were omẹ. Oke kpobi nọ ma tẹ be re emu evaọ owọwọ ma re ru onana. Makọ ọmọzae ikpe esa mai o re kuomagbe ẹmeọta na. O ghinẹ rọ uvi omosasọ k’omai!”