• Ẹthọ Ẹrọwọ Mai
    Uwou-Eroro Na—1998 | Akpegbivẹ 1

    • 12. Iyero vẹ e wọ Pọl avọ Banabas rọ aruọwha rovie unu evaọ Ikọniọm?

      12 Je roro kpahe oriruo Pọl gbe Banabas. Iruẹru 14:1, 2 o ta nọ: “Nọ a te Ikọniọm a tẹ ruọ eva uwou-egagọ ahwo Ju re, epanọ a ta ẹme hrọ, otu Ju gbe ahwo Griki buobu a tẹ rọwo. Rekọ ahwo Ju nọ a rọwo ho a tẹ ta eva ahwo Egedhọ raha, a [te] mukpahe ahwo Kristi na.” The New English Bible o se nọ: “Rekọ ahwo Ju nọ i kurẹriẹ hẹ a tẹ viẹ ahwo orẹwho Egedhọ họ a tẹ nua iroro rai wọso Ileleikristi.” O vọ rai eva ha re a siọ ovuẹ na ọvo, rekọ otu ewọsuọ ahwo Ju na a te muọ erue họ ẹvaha, be gwọlọ ta udu ahwo orẹwho Egedhọ na raha suọ Ileleikristi na.a Ẹvẹ omukpahe Egagọ-Ileleikristi rai o diwi te! (Wawo Iruẹru 10:28.) Pọl avọ Banabas a roro nọ onana họ okenọ a “rẹ rọ ta ẹme,” ogbẹrọ ere he udu u re ti no ilele ekpokpọ na awọ fiki ekela ẹgbede ọnana. “Fikiere [Pọl avọ Banabas] a tẹ ria oke krẹkri, jẹ ta ẹme Ọnowo na ududu,” ọnọ o dhesẹ ọjẹrehọ riẹ kẹ ae ẹkwoma ogaga nọ ọ kẹ rai ru eware igbunu. Onana o tẹ whae ze nọ “abọ jọ ọ [rọ] yẹ lele ahwo Ju, abọ jọ ọ tẹ yẹ lele ahwo ikọ na.”—Iruẹru 14:3, 4.

  • Ẹthọ Ẹrọwọ Mai
    Uwou-Eroro Na—1998 | Akpegbivẹ 1

    • a Matthew Henry’s Commentary on the Whole Bible o ta nọ otu ewọsuọ Ju na “a zihe i rie ruọ iruo rai re a rọ owọ rai nya bru [ahwo orẹwho Egedhọ] itieye na nọ a kẹle kpobi, a ve gu erue nọ e rae udu kpobi kẹ ae, re a ta Egagọ-Ileleikristi raha kẹ ae.”