“Igbenwa nọ E Ya Fia” gbe “Isẹri Ivẹ”​—Ẹvẹ I ro Wobọ Kugbe Ohwohwo?

Eruẹaruẹ ivẹ jọ i rugba evaọ ukpe 1919, eye họ: eruẹaruẹ “igbenwa nọ e ya fia” na gbe onọ o ta kpahe “isẹri ivẹ” na. Eruẹaruẹ “igbenwa nọ e ya fia” na e ta kpahe etoke jọ nọ u lehie gaga, (ikpe-udhusoi buobu) onọ u kuhọ evaọ oke nọ ogbotu idibo Ọghẹnẹ a wariẹ ziọ uzuazọ. (Izik. 37:2-4; Evia. 11:1-3, 7-13) Eruẹaruẹ “isẹri ivẹ” na e ta kpahe etoke ọkpẹkpẹ, (no obọ ekuhọ 1914 rite obọ emuhọ 1919) yọ u kuhọ evaọ okenọ umutho idibo Ọghẹnẹ jọ a wariẹ ziọ uzuazọ. Eruẹaruẹ ivẹ nana i dhesẹ epanọ idibo Ọghẹnẹ a rọ wariẹ va via, wọhọ ẹsenọ a kparoma no uwhu ze, yọ i rugba evaọ 1919, evaọ okenọ Jihova o ru idibo riẹ nọ a rọ ẹzi wholo na “rọ awọ rai dikihẹ,” je no igbo Babilọn Ologbo na, kẹsena a te koko ae họ ukoko nọ a zihe ze na.​—Izik. 37:10.

Rekọ muẹrohọ nọ oghẹrẹ nọ eruẹaruẹ ivẹ nana i ro rugba i wo ohẹriẹ gaga. Eruẹaruẹ “igbenwa nọ e ya fia” na i kiekpahe okiọkotọ Ileleikristi nọ a rọ ẹzi wholo na kpobi. Rekọ eruẹaruẹ “isẹri ivẹ” na i kiekpahe ejọ evaọ usu Ileleikristi nọ a rọ ẹzi wholo na, koyehọ, otu nọ e jẹ kobaro evaọ ukoko na, enọ a ro mu “ọrigbo nọ a re fievahọ nọ o wo areghẹ na.”​—Mat. 24:45; Evia. 11:6.a

1. NỌ 100 C.E. O VRẸ NO

   No umuo ikpe-udhusoi avivẹ C.E. vrẹ “igbenwa” e vọ “ukiekpotọ opraprara na” evaọ okenọ a kpe ukoko Ileleikristi nọ a rọ ẹzi wholo na, wọhọ odẹme

2. OBỌ EMUHỌ 1919

   1919: “Igbenwa nọ e ya fia” na e ziọ uzuazọ evaọ okenọ Jihova o si idibo riẹ nọ a rọ ẹzi wholo na kpobi no igbo Babilọn Ologbo na je koko ae họ ukoko nọ a zihe ze na

1. OBỌ EKUHỌ 1914

   a jẹ ta usi uwoma “avọ ehọ-ekpa nọ a ku họ”

   1914: “Isẹri ivẹ” na e ta usi uwoma “avọ ehọ-ekpa nọ a ku họ” evaọ ikpe esa gbe ubro. Nọ etoke yena o kuhọ no, a te kpe ai, wọhọ odẹme

2. a jọ wọhọ ẹsenọ a whu no

3. OBỌ EMUHỌ 1919

   1919: “Isẹri ivẹ” na e ziọ uzuazọ evaọ okenọ a rehọ umutho inievo jọ nọ a rọ ẹzi wholo nọ e jẹ kobaro evaọ ukoko na mu “ọrigbo nọ a re fievahọ nọ o wo areghẹ na”