23 Musa ngomong karo wong-wong kuwi, ”Yéhuwah kandha nèk sésuk kuwi dina kanggo istirahat, sabat sing suci kanggo Yéhuwah.+ Kowé kudu manggang apa sing perlu dipanggang, lan kowé kudu nggodhog apa sing perlu digodhog.+ Turahané kudu mbok simpen nganti ésuk.”

13 ”Kowé kudu ngomong ngéné karo wong Israèl, ’Sing paling penting, kowé kudu terus ngrayakké Sabat,+ merga kuwi dadi tandha saka perjanjian-Ku karo kowé. Nganti turun-temurun, tandha iki bakal ngélingké kowé nèk Aku, Yéhuwah, sing nggawé kowé suci. 14 Kowé kudu ngrayakké Sabat, merga dina kuwi suci kanggo kowé.+ Sapa waé sing nglanggar hukum soal dina Sabat kudu dipatèni. Wong sing kerja pas dina Sabat ya kudu dipatèni.+

12 ”’Aja lali ngrayakké dina Sabat bèn kuwi tetep suci kaya sing dipréntahké Yéhuwah Gusti Allahmu.+ 13 Kowé éntuk kerja nem dina,+ 14 tapi ing dina kepitu kowé ora éntuk kerja merga kuwi sabat kanggo Yéhuwah Gusti Allahmu.+ Anakmu lanang, anakmu wédok, budhakmu lanang, budhakmu wédok, sapimu, keledaimu, ternakmu, lan wong asing sing manggon ing kuthamu*+ ya ora éntuk kerja,+ bèn budhakmu lanang lan wédok isa lèrèn kaya kowé.+