Yéhuwah kuwi ora kejem lan ”ora péngin ana wong sing disingkirké”. (2 Ptr. 3:9) Ayo nggatèkké buktiné nèk Yéhuwah ora kejem bahkan karo wong-wong sing wis nggawé dosa gedhé. Raja Daud nggawé beberapa dosa gedhé. Misalé, laku jina lan matèni wong. Tapi Daud bertobat, makané Yéhuwah ngampuni dhèwèké. (2 Sam. 12:​1-12) Raja Manasyé ya mèh sakjegé uripé perbuatané jahat banget. Tapi meskipun jahaté kaya ngono, wektu Manasyé bertobat, Yéhuwah gelem ngampuni lan ngrasa mesakké karo dhèwèké. (2 Bb. 33:​9-16) Conto-conto kuwi mbuktèkké nèk Yéhuwah ora kejem. Dhèwèké selalu péngin nduduhké rasa mesakké karo umaté sing menyadari kesalahané lan gelem bertobat. Wong-wong kuwi sukmbèn bakal diuripké manèh. w24.05 4 ¶12

Sakwisé mbébaské bangsa Israèl saka Mesir, Yéhuwah nglantik para imam kanggo nglayani ing tabernakel. Yéhuwah ya ngekèki wong Lèwi tugas-tugas ing tabernakel. Tapi, apa wong-wong sing nglayani ing tabernakel lan sing kémahé ing cedhak tabernakel luwih digatèkké Yéhuwah timbang liyané? Ora. Yéhuwah ora pilih kasih. Kabèh wong Israèl isa dadi sahabaté Yéhuwah. Apa buktiné? Yéhuwah mastèkké bèn sing isa ndelok tugu méga lan tugu geni ing ndhuwuré tabernakel kuwi kabèh wong Israèl. (Pa. 40:38) Wektu tugu méga kuwi arep pindhah, bahkan wong-wong sing kémahé paling adoh saka tabernakel ya isa ndelok. Dadi, meréka isa siap-siap, mbongkar téndha, lan mèlu mlaku karo wong Israèl liyané. (Wi. 9:​15-23) Padha kaya ngono, saiki Yéhuwah ya sayang, nggatèkké, lan nglindhungi awaké dhéwé ora soal awaké dhéwé manggon ing endi. w24.06 4 ¶10-12

Wektu kuwi, Absalom anaké Daud arep matèni Daud lan ngrebut takhtané. (2 Sam. 15:​12, 13) Daud kudu ndang lunga saka Yérusalèm. Pas para abdiné lunga, Daud sadhar nèk kudu ana sing tetep ing Yérusalèm bèn isa ngandhani Daud soal rencanané Absalom. Makané, dhèwèké ngongkon Zadok lan beberapa imam sing liyané balik ing Yérusalèm kanggo dadi mata-mata. (2 Sam. 15:​27-29) Para imam kuwi kudu ngati-ati banget, bahkan kudu toh nyawa. Bar kuwi, Zadok karo Husyai ndhukung rencana sing wis digawé Daud. (2 Sam. 15:​32-37) Husyai éthok-éthok ndhukung Absalom lan ngekèki saran soal carané nyerang Daud. Nah, kuwi sakjané kesempatan bèn Daud isa siap-siap nyerang balik. Pas Absalom ngrungokké sarané Husyai, Husyai ngandhani Zadok lan Abiatar. (2 Sam. 17:​8-16) Terus, Zadok karo Abiatar ngandhani Daud soal rencanané Absalom. Dadi, akhiré Daud isa dilindhungi.—2 Sam. 17:​21, 22. w24.07 4-5 ¶9-10