Wulang Bebasan

12 Wong sing seneng didhidhik gelem nampa pengetahuan,+

Ning wong sing ora gelem* dinaséhati kuwi wong sing bodho.+

 2 Wong sing apik nggawé Yéhuwah seneng,

Ning wong sing nggawé rencana jahat bakal dihukum Gusti Allah.+

 3 Wong sing nindakké kejahatan ora bakal ngrasa aman,+

Ning wong sing bener bakal dadi kaya wit sing ora isa dicabut.

 4 Wong wédok sing apik kuwi kaya mahkota kanggo bojoné,+

Ning wong wédok sing tumindaké ngisin-isini kuwi kaya penyakit sing nggawé bosok balungé bojoné.+

 5 Pikirané wong sing bener kuwi adil,

Ning arahané wong sing jahat kuwi ngapusi.

 6 Omongané wong sing jahat kuwi kaya jerat sing bahaya,*+

Ning omongané* wong sing bener isa nylametké wong liya.+

 7 Pas wong jahat disingkirké, wong-wong kuwi ora ana manèh,

Ning omahé wong sing bener ora bakal ambruk.+

 8 Wong bakal dipuji merga omongané sing wicaksana,+

Ning wong sing atiné licik bakal dirèmèhké.+

 9 Luwih apik dadi wong biasa, ning nduwé pelayan,

Timbang wong sing sombong, ning kelaparan.+

10 Wong sing bener ngopèni kéwan peliharaané,+

Ning wong sing jahat ngrasa nèk dhèwèké wis apikan padahal sakjané kejem.

11 Wong sing ngolah tanahé ora bakal kekurangan pangan,+

Ning wong sing nduwé kepénginan sing ora ana gunané kuwi kurang pertimbangan.

12 Wong jahat iri karo jarahané wong jahat liyané,

Ning wong sing bener kaya wit sing akaré kuwat lan ngetokké buah.

13 Wong jahat bakal kena jerat merga omongané sing salah,+

Ning wong sing bener bébas saka kesusahan.

14 Merga omongané, wong isa ngrasakké hasil sing apik,+

Lan merga tumindaké, wong isa diberkahi.

15 Wong sing bodho nganggep nèk tumindaké kuwi wis bener,+

Ning wong sing wicaksana gelem nampa naséhat.+

16 Wong sing bodho langsung nesu,+

Ning wong sing pinter ora perduli wektu diécé.

17 Seksi sing jujur mesthi ngomongké apa sing bener,

Ning seksi sing palsu kuwi seneng ngapusi.

18 Omongan sing ora dipikir kuwi kaya pedhang sing ditusukké,

Ning omongané wong sing wicaksana isa nambani.+

19 Omongan sing bener bakal ana saklawasé,+

Ning omongan sing ngapusi kuwi mung kanggo sementara.+

20 Wong sing nduwé rencana jahat senengané ngapusi,

Ning wong sing seneng rukun bakal bahagia.+

21 Wong sing bener ora bakal kena bahaya,+

Ning wong sing jahat mesthi bakal susah.+

22 Wong sing seneng ngapusi disengiti Yéhuwah,+

Ning wong sing setya nyenengké Dhèwèké.

23 Wong sing pinter ora nyritakké sing dingertèni,

Ning wong sing bodho nyritakké nèk dhèwèké bodho.+

24 Wong sing sregep bakal nduwé kuwasa,+

Ning wong sing kesèd bakal dipeksa kerja.+

25 Rasa kuwatir nggawé wong dadi ora semangat,+

Ning omongan sing apik nggawé wong dadi semangat.+

26 Wong sing bener nggolèk padhang rumput kanggo kéwané,

Ning dalané wong jahat nggawé dhèwèké kesasar.

27 Wong sing kesèd ora gelem mburu kéwan bèn isa dipangan,+

Ning sifat sregep kuwi harta sing berharga.