ფსალმუნები

54 ღმერთო, მიხსენი შენი სახელით+

და შენი ძლევამოსილებით გამომესარჩლე.+

 2 ღმერთო, ისმინე ჩემი ლოცვა,+

ყური მოაპყარი ჩემი პირიდან გამოსულ სიტყვებს,+

 3 რადგან უცხონი აღმიდგნენ

და სასტიკნი ეძებენ ჩემს სულს.+

თვალწინ არ უდგათ ღმერთი.+ სელა.

 4 აი, ღმერთია ჩემი შემწე.+

იეჰოვა არის ჩემი სულის განმამტკიცებლებთან.

 5 ბოროტების საზღაურს მიაგებს ის ჩემს მტრებს.+

შენი ჭეშმარიტებით დაადუმე ისინი.+

 6 მზადყოფნით შემოგწირავ მსხვერპლს.+

ხოტბას შევასხამ შენს სახელს, იეჰოვა, რადგან კარგია იგი.+

 7 ყველა გასაჭირიდან დამიხსნა მან;+

ზემოდან დავყურებ ჩემს მტრებს.+