39 იმ დროს ბაბილონის მეფემ, მეროდაქ-ბალადანმა, ბალადანის ძემ, წერილები და ძღვენი გაუგზავნა ხიზკიას,+ რადგან შეიტყო ხიზკიას ავადმყოფობისა და გამოჯანმრთელების ამბავი.+ 2 სიხარულით მიიღო ხიზკიამ მაცნეები და უჩვენა თავისი საგანძური,+ ოქრო-ვერცხლი, ბალზამის ზეთი, სხვა ძვირფასი ზეთიც, მთელი თავისი იარაღის საცავი და ყველაფერი, რაც მის საგანძურში იყო. არაფერი დარჩენილა მის სასახლეში და მის სამფლობელოში, რომ არ ეჩვენებინა ხიზკიას მათთვის.