29 მაკედიდან იესო მთელ ისრაელთან ერთად ლიბნისკენ+ გაემართა მის წინააღმდეგ გასალაშქრებლად. 30 იეჰოვამ ხელში ჩაუგდო ისრაელს ლიბნა და მისი მეფე,+ დაიპყრეს ქალაქი და მახვილით ამოხოცეს ყველა იქ მყოფი, ცოცხალი არავინ დაუტოვებიათ. მის მეფესაც იგივე დამართეს, რაც იერიხონის მეფეს.+

22 მაგრამ დღემდე არ ემორჩილება ედომი იუდას. იმ დროს ლიბნაც+ აუჯანყდა მას.

8 ამის შემდეგ გაიგო რაბშაკემ, რომ ასურეთის მეფე ლაქიშიდან+ აყრილიყო, მასთან დაბრუნებულმა კი ნახა, რომ ის ლიბნას ებრძოდა.+ 9 მეფეს ამბავი მიუტანეს, ეთიოპიის მეფე თირჰაკამ შენ წინააღმდეგ გამოილაშქრაო, ამიტომ კვლავ გაუგზავნა მაცნეები+ ხიზკიას და შეუთვალა: 10 «იუდას მეფე ხიზკიას გადაეცით: „თავს ნუ მოატყუებინებ შენს ღმერთს, რომელზეც დაიმედებული ხარ, რომ გეუბნება, იერუსალიმი ხელში არ ჩაუვარდებაო ასურეთის მეფეს.+ 11 ხომ გსმენია, რა დამართეს ასურეთის მეფეებმა ყველა ქვეყანას, როგორ გაანადგურეს ისინი?!+ შენ როგორღა გადარჩები?! 12 განა იხსნეს თავიანთმა ღმერთებმა ის ხალხები, ჩემმა მამა-პაპამ რომ გაანადგურა?! სად არიან გოზანის, ხარანისა+ და რეცეფის მკვიდრნი ან ედემელები, თელ-ასარში რომ ცხოვრობდნენ?! 13 სად არიან ხამათისა და არფადის მეფეები?! სეფარვაიმის მეფე ანდა ჰენისა და ივის მეფე რაღა იქნენ?!“»+