7 თუ შენს ქალაქში, იმ მიწაზე, რომელსაც იეჰოვა, შენი ღმერთი, გაძლევს, გაღარიბდება შენი ძმა, გულს ნუ გაიქვავებ და ნუ იქნები ხელმოჭერილი.+ 8 ხელგაშლილი იყავი;+ იმდენი ასესხე, რამდენიც დასჭირდება.

35 რადგან მშიოდა და დამაპურეთ, მწყუროდა და დამალევინეთ, არ მიცნობდით და სტუმართმოყვარულად მიმიღეთ,+ 36 შეუმოსავი ვიყავი და შემმოსეთ,+ სნეული ვიყავი და მომხედეთ, საპყრობილეში ვიყავი და მინახულეთ“.+

11 ის პასუხობდა: „ვისაც ორი ხელი ტანსაცმელი აქვს, ერთი უქონელს მისცეს, და ვისაც საჭმელი აქვს, სხვას გაუყოს“.+

13 წმინდებს მათი საჭიროებისდა მიხედვით გაუმართეთ ხელი.+ სტუმართმოყვარენი იყავით.+

4 ხოლო, თუ ქვრივს შვილები ან შვილიშვილები ჰყავს, მათ ჯერ თავიანთ ოჯახში+ ისწავლონ ღვთისადმი ერთგულების გამოვლენა და მშობლებისა და პაპა-ბებიებისთვის საკადრისის მიგება,+ რადგან ეს მოსაწონია ღვთისთვის.+

27 ჩვენი ღვთისა და მამის თვალში წმინდა და წაუბილწველი თაყვანისცემა ის არის, რომ მივხედოთ ქვრივ-ობლებს+ გასაჭირში+ და თავი დავიცვათ უწმინდური ქვეყნიერებისგან.+

17 ვისაც საშუალება აქვს და ხედავს გაჭირვებაში მყოფ ძმას, მაგრამ მისი გასაჭირი გულთან ახლოს არ მიაქვს, როგორღა იტყვის, ღმერთი მიყვარსო?!+