მიქა

3 ვთქვი: «ისმინეთ, იაკობის თავკაცებო

და ისრაელის მეთაურებო!+

 2 სიკეთე გძულთ+ და ბოროტება გიყვართ,+

ჩემს ხალხს ტყავს აძრობთ და ძვლებიდან ხორცს აგლეჯთ.+

 3 ჩემი ხალხის ხორცს ჭამთ,+

ტყავს აძრობთ,

ძვლებს უმტვრევთ და უქუცმაცებთ,+

გეგონება, ქვაბში ძვლები უნდა მოხარშოთ

და ქოთანში — ხორცი.

 4 მაშინ საშველად მოუხმობენ იეჰოვას,

მაგრამ ის არ უპასუხებს მათ;

ზურგს შეაქცევს+

მათი ბოროტი საქმეების გამო.+

 5 აი, რას ეუბნება იეჰოვა წინასწარმეტყველებს,

რომელთაც შეცდომაში შეჰყავთ მისი ხალხი,+

რომელნიც კბილებით რაღაცას ძიძგნიან+ და თან გაიძახიან, მშვიდობააო,+

მაგრამ ვინც პირში არაფერს ჩაუდებს მათ, ომს უცხადებენ:

 6 „ღამე კი დაგიდგებათ,+ მაგრამ ხილვებს ვეღარ ნახავთ,+

სიბნელეში იქნებით და ვეღარ იმკითხავებთ.

ჩაესვენება მზე წინასწარმეტყველთა თავზე

და დღე დაუბნელდებათ.+

 7 შერცხვებიან წინასწარმხილველნი+

და იმედი გაუცრუვდებათ მკითხავებს;

პირს აიკრავს ყოველი მათგანი,

რადგან პასუხს ვერ მიიღებენ ღვთისგან“».

 8 იეჰოვას სულმა ამავსო ძალით,

სამართლიანობითა და ძლიერებით,

რათა გავაგებინო იაკობს, რომ ურჩობს, და ისრაელს, რომ ცოდვას სჩადის.

 9 ისმინეთ, იაკობის თავკაცებო

და ისრაელის მეთაურებო,+

სამართალი რომ გძულთ და

სწორს რომ ამრუდებთ,+

10 სისხლის ღვრით რომ აშენებთ სიონს

და უმართლობით — იერუსალიმს.+

11 მისი თავკაცები გასამართლებაში ქრთამს იღებენ,+

მისი მღვდლები საფასურის სანაცვლოდ ასწავლიან+

და მისი წინასწარმეტყველები მკითხაობაში იღებენ ფულს.+

12 თქვენ გამო

მინდორივით გადაიხვნება სიონი,

ნანგრევების გროვად იქცევა იერუსალიმი+

და ტყიან მაღლობად — ტაძრის მთა.+