ქებათა ქება

შენი თმა თხის ფარას ჰგავს,

გალაადის მთებიდან კუნტრუშით რომ ეშვება.+

 2 კბილები ახალგაპარსულ,

დაბანილ ცხვრებს მიგიგავს,

თითოეული ტყუპს რომ იგებს

და არცერთი ნაშიერი რომ არ ეკარგება.

 3 ტუჩები ალისფერ ძაფს მიგიგავს;

შენი საუბარი ტკბილია.

პირბადის მიღმა ღაწვები

ბროწეულის ნახლეჩებს მიგიგავს.

 4 შენი კისერი+ დავითის კოშკს ჰგავს,+

ქვებით მწყობრად ნაშენს,

ათასი ფარი რომ ჰკიდია მასზე,

ვაჟკაცთა მრგვალი ფარები.+

 5 შენი ორი ძუძუ ორი შველია,

ქურციკის ნაშობი ტყუპები,+

შროშნებს შორის რომ ბალახობენ“.

 6 „ვიდრე დღის ნიავი დაუბერავს და ჩრდილები გაქრებიან,

ავალ ზმირინის მთაზე

და გუნდრუკის გორაზე“.+

 7 „ულამაზესი ხარ, ჩემო საყვარელო,+

და უნაკლო.

 8 წავიდეთ ლიბანიდან, ჩემო საცოლევ,

წავიდეთ ლიბანიდან.+

დაეშვი ამანის მწვერვალიდან,

სენირის მწვერვალიდან, ხერმონის მწვერვალიდან,+

ლომთა ბუნაგებიდან და ჯიქთა მთებიდან.

 9 შენ ამიძგერე გული,+ ჩემო დაო, ჩემო საცოლევ,

შენმა ერთმა გამოხედვამ ამიძგერა გული,

შენი მძივის ერთმა მარცვალმა.

შენი ალერსი ბევრად სჯობია ღვინოს,+

შენი ნელსაცხებლის სურნელი — ნებისმიერ სურნელებას!+

რძე და თაფლი გაქვს ენაზე.+

შენი სამოსი ლიბანის სურნელებას აფრქვევს.

12 ჩაკეტილი ბაღია ჩემი და, ჩემი საცოლე,

ჩაკეტილი ბაღია და დალუქული წყარო.

13 შენი ყლორტები* ბროწეულის ბაღია,

იქ ნარჩევი ხილია, იქ არის ინა და ნარდი,

14 ნარდი+ და ზაფრანა, ლერწამი+ და დარიჩინი,+

ყველანაირი გუნდრუკის ხე, ზმირინი და ალოე,+

ყოველგვარი სურნელოვანი მცენარე.+

15 ბაღის წყარო და სუფთა წყლის ჭა ხარ,

ლიბანიდან მოჩუხჩუხე ნაკადული.+

16 გამოიღვიძე, ჩრდილოეთის ქარო,

მოდი, სამხრეთის ქარო!

„მოვიდეს ჩემი სატრფო თავის ბაღში

და შეექცეს საუკეთესო ხილს“.