დავითის საგალობელი.
29 პატივი მიაგეთ იეჰოვას, ძლიერთა ძეებო,
პატივი მიაგეთ იეჰოვას, რადგან ის დიდებული და ძლევამოსილია!+
2 განადიდეთ იეჰოვა მისი სახელის გამო,
მუხლი მოიყარეთ იეჰოვას წინაშე წმინდა სამოსლით შემოსილებმა!
3 წყლებს ზემოთ გაისმა იეჰოვას ხმა;
დაიქუხა დიდებულმა ღმერთმა.+
მრავალ წყალს ზემოთაა იეჰოვა.+
4 იეჰოვას ხმა მჭექარეა,+
იეჰოვას ხმა საუცხოოა.
5 იეჰოვას ხმა ლეწავს კედრებს,
იეჰოვა ამტვრევს ლიბანის კედრებს.+
6 ხბოსავით აკუნტრუშებს ლიბანს
და სირიონს+ — გარეული ხარის ნაშიერივით.
7 იეჰოვას ხმაზე ცეცხლის ალი ვარდება;+
8 იეჰოვას ხმა არყევს უდაბნოს,+
იეჰოვა აზანზარებს კადეშის უდაბნოს.+
9 იეჰოვას ხმაზე ძრწოლა იტანს ფურირემს და ნაადრევად შობს,
შიშვლდება ტყეები.+
მის ტაძარში ყველა ამბობს: „დიდება!“
10 წარღვნის წყლებს ზემოთ ზის იეჰოვა;+
ტახტზე ზის იეჰოვა, ისაა მარადიული მეფე.+
11 იეჰოვა მისცემს ძალას თავის ხალხს;+
იეჰოვა აკურთხებს თავის ხალხს მშვიდობით.+