აღსავალი სიმღერა.
126 თავი სიზმარში გვეგონა,
როცა იეჰოვამ ტყვეები დააბრუნა სიონში.+
2 მაშინ გვიცინოდა სახე
და სიხარულით ყიჟინებდა ჩვენი ბაგე.+
მაშინ ამბობდნენ ხალხებში:
დიდი საქმე მოიმოქმედაო იეჰოვამ მათთვის.+
3 დიდი საქმე მოიმოქმედა იეჰოვამ ჩვენთვის,+
დიდად ვხარობთ.
4 დააბრუნე, იეჰოვა, ჩვენი ტყვეები,
როგორც წყლები უბრუნდებიან კალაპოტებს ნეგებში.
5 ცრემლით მთესველნი
სიხარულის ყიჟინით მოიმკიან.
6 ვინც ტირილით მიდის
და თან თესლით სავსე ტომარა მიაქვს,
მხიარული შეძახილით დაბრუნდება+
და თან წამოიღებს მომკილ ძნებს.+