ზაქარია

როცა წვიმების დრო დგება.

იეჰოვაა საწვიმარი ღრუბლების შემქმნელი,

ის, ვინც ადამიანებს კოკისპირულ წვიმას უგზავნის+

 2 თერაფიმები* სიცრუეს ლაპარაკობენ,

მკითხავები ცრუ ხილვებს ხედავენ,

ფუჭ სიზმრებზე ლაპარაკობენ

და ამაოდ ცდილობენ ნუგეშისცემას.

 3 განრისხებული ვარ მწყემსებზე,

პასუხს ვაგებინებ მჩაგვრელ წინამძღოლებს,

რადგან მოხედა ლაშქართა ღმერთმა, იეჰოვამ, თავის ფარას,+ იუდას,

და თავის დიდებულ საბრძოლო რაშად აქცია.

 4 მისგან გამოდის თავკაცი,

მისგანვე გამოდის მმართველი და მხარდამჭერი;

მისგან გამოდის საბრძოლო მშვილდი,

მისგან გამოდის ყოველი ზედამხედველი, ყველანი მისგან გამოდიან.

 5 მეომრებივით იქნებიან,

ქუჩის ტალახს რომ ზელენ ბრძოლისას.

ჩაებმებიან ბრძოლაში, რადგან იეჰოვაა მათთან,+

და შერცხვებიან მხედრები.+

 6 ავამაღლებ იუდას და ვიხსნი იოსების მოდგმას;+

საკუთარ მიწა-წყალზე დავაბრუნებ და შევიწყალებ.+

ისე იქნებიან, თითქოს არასოდეს მიმეტოვებინოს.+

მე ვარ იეჰოვა, მათი ღმერთი, მე ვუპასუხებ მათ.

 7 ეფრემელები ძლიერი მეომრებივით იქნებიან,

გაუხალისდებათ გული, თითქოს ღვინო დაელიოთ.+

იხილავენ ამას მათი ვაჟები და გაიხარებენ;

იეჰოვათი გაიხარებს მათი გული.+

 8 დავუსტვენ მათ და შევკრებ;

გამოვისყიდი,+ გამრავლდებიან

და მუდამ მრავალნი იქნებიან.

 9 თესლივით მიმოვფანტავ მათ ხალხებში,

თუმცა შორს მყოფთაც კი ვემახსოვრები;

ძალას განიახლებენ ისინიც, მათი ვაჟებიც, და ერთად დაბრუნდებიან.

10 დავაბრუნებ მათ ეგვიპტიდან,

გამოვკრებ ასურეთიდან.+

გალაადსა+ და ლიბანში მივიყვან,

მაგრამ იქაც ვერ დაეტევიან.+

11 გადავუვლი ზღვას და უბედურებას მოვუვლენ.

დავკრავ ზღვის ტალღებს;+

ამოშრება ნილოსის სიღრმეები.

ბოლო მოეღება ასურეთის სიამაყეს და

კვერთხი წაერთმევა ეგვიპტეს.+

12 მე, იეჰოვა, აღვაზევებ მათ+

და ივლიან ჩემი სახელით,+ — ამბობს იეჰოვა“.