ფსალმუნები

დავუძლურდი შენს მოლოდინში

უწყლო, გადამხმარ და გადახრუკულ მიწაზე.+

 2 შენს წმინდა სამყოფელში გიხილე,

ვიხილე შენი ძლიერება და დიდება.+

 3 შენი სიკეთე* სიცოცხლეს მირჩევნია,+

ამიტომ განგადიდებ ჩემი ბაგით.+

 4 მთელი სიცოცხლე განგადიდებ,

ხელებს აღვაპყრობ და შენს სახელს მოვუხმობ.

 5 ყოველივე საუკეთესოთი მავსებ,

ამიტომ სიხარულით შეგასხამ ხოტბას.+

 6 გიხსენებ ჩემს სარეცელზე;

ღამის გუშაგობის დროს ვფიქრობ შენზე,+

 7 რადგან შენ ხარ ჩემი შემწე,+

სიხარულით ვყიჟინებ შენი ფრთების ჩრდილს შეფარებული.+

 8 არ გცილდები;

მარჯვენა გაქვს ჩაჭიდებული ჩემთვის.+

 9 ჩემი მოკვლის მსურველნი

მიწის სიღრმეში ჩავლენ.

10 მახვილით დაეცემიან,

ტურების საკბილო გახდებიან.

ყველა მისი მოფიცარი იამაყებს,

რადგან დადუმდება ცრუ ბაგეები.