აღსავალი სიმღერა. სოლომონის ფსალმუნი.
127 თუ იეჰოვა არ აშენებს სახლს,
ტყუილად ირჯებიან მშენებლები;+
თუ იეჰოვა არ იცავს ქალაქს,+
ტყუილად ფხიზლობს გუშაგი.
2 ტყუილად დგებით ადრიანად,
ტყუილად ხართ ფეხზე გვიანობამდე,
ტყუილად ირჯებით საზრდოსთვის,
რადგან ის მასზე ზრუნავს და მას ჰგვრის ტკბილ ძილს, ვინც უყვარს.+
3 შვილები მემკვიდრეობაა იეჰოვასგან,+
ჯილდოა მუცლის ნაყოფი!+
4 როგორც ისრები ძლიერი კაცის ხელში,
ისე არიან სიყრმის შვილები.+
5 ბედნიერია კაცი, რომელმაც კაპარჭი აივსო მათით.+
არ შერცხვებიან, რადგან პასუხს გასცემენ ისინი მტრებს კარიბჭესთან.