ფსალმუნები

გუნდის ხელმძღვანელს. დავითის ფსალმუნი.

11 იეჰოვაა ჩემი თავშესაფარი,+

როგორღა მეუბნებით:

„მთაში გადაიხვეწე ჩიტივით!

2 ნახე, მოზიდეს მშვილდი ბოროტებმა,

ლარს გამოსდეს ისარი,

რომ სიბნელიდან ესროლონ გულმართლებს.

3 რა უნდა ქნას მართალმა,

თუკი დანგრეულია საძირკვლები?!“

4 იეჰოვა თავის წმინდა ტაძარშია;+

ზეცაშია იეჰოვას ტახტი.+

ყველაფერს ხედავს, მზერა ადამიანებისკენ აქვს მიპყრობილი და აკვირდება მათ.+

5 იეჰოვა ამოწმებს მართალსაც და ბოროტსაც;+

სძულს მას ძალადობის მოყვარული.+

6 წვიმასავით დაუშვებს მახეებს* ბოროტთა თავზე;

ცეცხლი, გოგირდი+ და მწველი ქარი იქნება მათთვის განკუთვნილ სასმისში.

7 მართალია იეჰოვა,+ სიმართლის მოყვარული.+

მართლები პოვებენ მის კეთილგანწყობას.+