ფსალმუნები

12 მიხსენი, იეჰოვა, რადგან აღარ დარჩა ერთგული;

სადღაა სანდო კაცი ადამიანთა შორის?!

 2 ერთმანეთს ატყუებენ;

ქლესა ბაგეებით ორპირულად ლაპარაკობენ.+

 3 მოსპობს იეჰოვა დათაფლულ ბაგეებსა

და მკვეხარა ენას,+

 4 მათ, ვინც ამბობს: ჩვენი ენით გავიმარჯვებთ,

რასაც გვინდა, იმას ვიტყვით ჩვენი ბაგეებით,

ვინ გაგვიბატონდებაო.+

 5 „საწყალთა ჩაგვრისა

და საბრალოთა ოხვრის გამო+

მათ საშველად წამოვიმართები, — ამბობს იეჰოვა. —

 6 წმინდაა იეჰოვას სიტყვები,+

თიხის ქურაში შვიდჯერ გაწმენდილი ხალასი ვერცხლივითაა.

 7 შენ დაიცავ მათ, იეჰოვა,+

სამარადისოდ დაიფარავ თითოეულს ამ მოდგმისგან.

 8 თავის ნებაზე დადიან ბოროტები,

რადგან უზნეობას განადიდებს ხალხი.+