ფსალმუნები

 2 დამიფარე ბოროტმოქმედთა მუხანათური ჩანაფიქრისგან,+

ავისმქნელთაგან.

 3 მათ მახვილივით აილესეს ენები

და მწარე სიტყვები ისრებივით მომართეს,

 4 საფრიდან რომ ესროლონ მართალს;

არ ეშინიათ, ისე ესვრიან მოულოდნელად.

 5 ერთმანეთს საბოროტოდ აქეზებენ,

ბჭობენ, როგორ დააგონ მახე;

 6 სულ იმაზე ფიქრობენ, კიდევ როგორ იბოროტონ;

ჩუმად აწყობენ მზაკვრულ გეგმებს,+

ჩაუწვდომელია მათი გულის ზრახვები.

 7 ისარს ესვრის მათ ღმერთი;+

მოულოდნელად დაიჭრებიან ისინი.

 8 მათივე ენა გახდება მათი დაცემის მიზეზი.+

ყველა მათი შემხედვარე თავის ქნევას მოჰყვება.

 9 მაშინ ყველას შიში აიტანს,

გააცხადებენ, რა მოიმოქმედა ღმერთმა

და ჩასწვდებიან მის საქმეებს.+

10 მართალი გაიხარებს იეჰოვათი და მას შეაფარებს თავს;+

ყველა გულმართალი იამაყებს.