გუნდის ხელმძღვანელს: შემინითში აწყობილი სიმებიანი საკრავების თანხლებით. დავითის საგალობელი.
6 იეჰოვა, შენი რისხვით ნუ შემაგონებ
და შენი მრისხანებით ნუ დამსჯი.+
2 წყალობა მიყავი, იეჰოვა, რადგან ძალა გამომეცალა.
განმკურნე, იეჰოვა,+ ვინაიდან შემეძრა ძვლები.
3 დიდად შეძრწუნებული ვარ;+
მიპასუხე, იეჰოვა, როდემდე უნდა ვიყო ასე?!+
4 იეჰოვა, მომხედე და მიხსენი,+
მიხსენი შენი ურყევი სიყვარულის გამო,+
5 რადგან მკვდარი ვეღარ გახსენებს,
ვერავინ შეგასხამს ხოტბას სამარიდან.+
6 დამქანცა ოხვრამ;+
მთელი ღამე ცრემლით ვასველებ საწოლს,
ცრემლები იღვრება ჩემი ტახტიდან.+
7 მწუხარებისგან თვალი დამებინდა,+
თვალში სინათლე დამეშრიტა ჩემი მტრების გამო.
8 მომშორდით ავისმქნელნო,
რადგან მოისმენს იეჰოვა ჩემს მოთქმას.+
9 მომისმენს იეჰოვა, როცა წყალობას ვთხოვ;+
შეისმენს იეჰოვა ჩემს ლოცვას.
10 შერცხვებიან და შეძრწუნდებიან ჩემი მტრები,
სწრაფად უკუიქცევიან სირცხვილნაჭამნი.+