მზად იყავი ყრუ-მუნჯი ადამიანების მოსაძებნად შენს ტერიტორიაზე

¹ იეჰოვა განაგრძობს მოწვევას: «„მოდი!“. . . მსურველმა უსასყიდლოდ აიღოს სიცოცხლის წყალი» (გამოცხ. 22:17). სულ უფრო მეტი ყრუ-მუნჯი ადამიანი ეხმაურება ამ მოწვევას. შედეგად, გასული 4 წლის განმავლობაში ჟესტების ენაზე 8 კრება და მრავალი ჯგუფი ჩამოყალიბდა იმ ქვეყნებში, რომლებსაც რუსეთის ფილიალი უწევს ზედამხედველობას.

² თუმცა ჟესტების ენაზე კრებები და ჯგუფები მთელ ყურადღებას ამახვილებენ თავიანთ ტერიტორიაზე მცხოვრებ ყრუ-მუნჯ და სმენადაქვეითებულ ადამიანებზე, ამ მხარეში ჯერ კიდევ ბევრი ასეთი ადამიანია მოსაძებნი, რომ ვუქადაგოთ მათ.

³ როგორ შეგიძლია დახმარება? საზოგადოებრივ ადგილებში შეგიმჩნევია ადამიანები, რომლებიც ჟესტების ენაზე საუბრობენ? იცნობ ვინმეს სამსახურში ან სკოლაში, ვისაც ყრუ-მუნჯი ოჯახის წევრი ჰყავს? მზად იყავი ყრუ-მუნჯი ადამიანების მოსაძებნად ყოველდღიური საქმეების კეთებისას. მაგრამ როგორ შეგიძლია დარწმუნდე, რომ ისინი მოისმენენ სამეფოს შესახებ ცნობას?

⁴ ქადაგება. ყრუ-მუნჯი ადამიანის ადგილსამყოფელი აცნობე ახლომდებარე კრებას ან ჯგუფს ჟესტების ენაზე. მრავალი ყრუ-მუნჯი ჭეშმარიტების სწავლაში უფრო სწრაფად მიიწევს წინ მაშინ, როცა შეუძლიათ ურთიერთობა იქონიონ ყრუ-მუნჯ მოწმეებთან კრების შეხვედრებზე, რომლებიც ჟესტების ენაზე ტარდება. მაშასადამე, თუ თქვენს ახლომახლო არის კრება ან ჯგუფი ჟესტების ენაზე, თქვენი კრების მდივანმა უნდა გაუგზავნოს მათ ინფორმაცია თქვენს ტერიტორიაზე მცხოვრები ყველა ყრუ-მუნჯი ადამიანის შესახებ.

⁵ როგორ მოვიქცეთ, თუ ახლომახლო არავინ არის, რომ თქვენს ტერიტორიაზე მცხოვრებ ყრუ-მუნჯებს სულიერი დახმარება აღმოუჩინოს? როგორ შეგიძლია დაეხმარო მათ? რატომ არ მოგვენახულებინა ისინი განმეორებით და გავსაუბრებოდით მათი ოჯახის წევრებს, რომლებიც ყრუ-მუნჯები არ არიან? შესთავაზე ჟესტების ენაზე ვიდეოფილმის ჩვენება, რომ ინტერესი გაუღვივო ყრუ-მუნჯ ადამიანს. ზოგიერთმა მაუწყებელმა ჟესტების ენაც კი ისწავლა, რომ ყრუ-მუნჯებთან უფრო ეფექტურად ქადაგება შესძლებოდა (საქ. 16:9, 10). ბროშურა „რას მოითხოვს“, რუსული ჟესტების ენაზე, ხელმისაწვდომია ვიდეოკასეტაზე. მისი გამოყენებით ბიბლიის შესწავლების ჩატარებამი უკვე მრავალი კარგი შედეგი გამოიღო.

⁶ თუ მზად იქნები ყრუ-მუნჯი ადამიანების მოსაძებნად შენს ტერიტორიაზე, შესძლებ სიცოცხლის წყლის უსასყიდლოდ მიღების საშუალება მისცე მათ (მათ. 10:11).