ვიყოთ მოშურნენი და „წავახალისოთ ერთმანეთი . . . კარგი საქმეებისთვის“

ებრაელების 10:24 მოგვიწოდებს, რომ „წავახალისოთ ერთმანეთი სიყვარულისა და კარგი საქმეებისთვის“. და-ძმებს ჩვენი კარგი მაგალითითა და რწმენის მაჩვენებელი საქმეებით წავახალისებთ. გაუზიარე კრებაში თანაქრისტიანებს კარგი შემთხვევები. დაანახვე მათ, როგორ გახარებს ღვთისადმი მსახურება. მათ ნურც საკუთარ თავს და ნურც სხვებს ნუ შეადარებ (გალ. 6:4). ყველანაირად ეცადე, რომ წაახალისო სხვები „სიყვარულისა და კარგი საქმეებისთვის“. ნუ ეცდები, რომ და-ძმებს დანაშაულის გრძნობა გაუღვივო და ამგვარად აკეთებინო მათ კარგი საქმეები (იხილე წიგნი „თეოკრატიული მსახურების სკოლა“, გვ. 158, აბზ. 4). თუ მათ სიყვარულისკენ წავახალისებთ, ისინი აუცილებლად მოიმოქმედებენ კარგ საქმეებს, სხვებს მატერიალურადაც დაუდგებიან გვერდში და იქადაგებენ კიდეც (2 კორ. 1:24).