სქოლიო

d როგორც ცნობილია, ქსერქსე I ფიცხი და მრისხანე მეფე იყო. ბერძენმა ისტორიკოსმა ჰეროდოტემ ქსერქსეს ბერძნებთან ბრძოლის რამდენიმე შემთხვევა მოიყვანა. ერთხელ მეფემ ბრძანა, რომ ჰელესპონტის სრუტეში აეგოთ პონტონის ხიდი (ერთმანეთზე გადაბმული ხომალდებისგან გაკეთებული მოტივტივე ხიდი). როდესაც ქარიშხალმა ეს ხიდი დაამსხვრია, ქსერქსემ თავის მსახურებს უბრძანა, ხიდის მშენებლებისთვის თავი მოეკვეთათ და ჰელესპონტის წყლები „დაესაჯათ“ ანუ წყლისთვის მანამ ერტყათ მათრახი, სანამ შეურაცხმყოფელი განაჩენი ხმამაღლა იკითხებოდა. ამავე ლაშქრობის დროს, როდესაც ერთმა მდიდარმა კაცმა სთხოვა მეფეს, მისი ვაჟი ლაშქარში არ წაეყვანათ, ქსერქსემ მისი შვილი შუაზე გააკვეთინა და მისი სხეული ყველას დასაშინებლად გამოაფენინა.