⁸ თუ ევა ამგვარად ფიქრობდა, მწარედ ცდებოდა. თუ ის და ადამი ასეთ რამეს ჩააგონებდნენ თავიანთ არასრულყოფილ ვაჟს, ეს მას უდავოდ გააამაყებდა. მოგვიანებით, ევას მეორე ვაჟიც ეყოლა, მაგრამ მისთვის ასეთი მრავლისმთქმელი სახელი აღარ დაურქმევიათ. მათ მეორე ვაჟს მეტად უბრალო სახელი, „აბელი“ უწოდეს, რაც შესაძლოა ნიშნავს „ამონასუნთქს“, „ამაოებას“ (დაბ. 4:2). ასეთი სახელი იმიტომ ხომ არ შეურჩიეს აბელს, რომ კაენისგან უფრო მეტს მოელოდნენ, ვიდრე მისგან? ეს შესაძლოა ასეც ყოფილიყო, მაგრამ ამის გადაჭრით თქმა არ შეგვიძლია.

10, 11. რა საქმიანობას მიჰყვეს ხელი კაენმა და აბელმა, და როგორი რწმენა განივითარა აბელმა?

¹⁰ უდავოა, ადამი თავის ვაჟებს ასწავლიდა, როგორ ერჩინათ ოჯახი. კაენმა მიწათმოქმედებას მიჰყო ხელი, აბელმა კი — მეცხვარეობას.

¹³ აბელი ხშირად ფიქრობდა იეჰოვაზე. წარმოიდგინეთ, როგორ მწყემსავდა ის თავის ცხვარს. მწყემსს, როგორც წესი, დიდი მანძილის გავლა უწევდა. მწყემსი ამ უმწეო ცხოველებს მთასა თუ ბარში დაატარებდა, რათა მათთვის საუკეთესო საძოვარი და მოსასვენებელი ადგილი ეპოვა. ღვთის ყველა სხვა ქმნილებას შორის ცხვარი ყველაზე დაუცველი ჩანდა, თითქოსდა იმიტომ იყვნენ გაჩენილნი ამქვეყნად, რომ მათზე ადამიანს ეზრუნა და ეპატრონა. ხვდებოდა აბელი, რომ თავადაც საჭიროებდა ვინმეს, ადამიანზე გაცილებით ბრძენსა და ძლიერს, ვინც იზრუნებდა მასზე, უხელმძღვანელებდა და დაიცავდა? უდავოა, ამ ყველაფერზე ის ღმერთს ლოცვაში ესაუბრებოდა, რის შედეგადაც მისი რწმენა სულ უფრო და უფრო მტკიცდებოდა.