იოქებედის გოგონა, მირიამი, ახლომახლო დადგა იმის სანახავად, თუ რა მოხდებოდა. მოგვიანებით ნილოსზე საბანაოდ მივიდა ფარაონის ასულიa. შესაძლებელია, იოქებედმა იცოდა, რომ ის ხშირად დადიოდა ნილოსის ამ ნაწილში და სპეციალურად დატოვა ყუთი იქ, სადაც ადვილად აღმოაჩენდნენ. როგორც არ უნდა იყოს, ფარაონის ასულმა მალე შენიშნა ლერწმებში ყუთი და თავისი ერთ-ერთი მხევალი გაგზავნა მის მოსატანად. მტირალი ბავშვის დანახვაზე ის სიბრალულით აივსო. იგი მიხვდა, რომ ჩვილი ებრაელი იყო. მაგრამ როგორ მოკლავდა ასეთ მშვენიერ ბავშვს? ადამიანური გულკეთილობის გარდა ფარაონის ასულზე შეიძლება გავლენა მოეხდინა ეგვიპტეში გავრცელებულ რწმენას, რომ ზეცაში შესვლის უფლება დამოკიდებული იყო პიროვნების სიცოცხლეში გაკეთებულ კეთილ საქმეებზეb (გამოსვლა 2:5, 6).