⁸ ნინეველთა მეფემაც კი მოინანია. ტახტიდან ჩამოვიდა, გაიხადა თავისი სამეფო სამოსელი, მოიხვია ჯვალო, რომელიც მის ხალხს ეცვა, და „ნაცარში ჩაჯდა“. მან თავის დიდებულებთან ერთად გამოაცხადა, რომ დიდიან-პატარიანად ყველას ემარხულა და ჯვალო ეტარებინა კაცსაც და შინაურ ცხოველსაც.b მან თავმდაბლად აღიარა, რომ მისი ხალხი დამნაშავე იყო ბოროტებასა და ძალადობაში. მეფეს იმედი ჰქონდა, რომ ღმერთს გულს მოულბობდნენ და შეიწყალებდა მათ. ჭეშმარიტმა ღმერთმა „იქნებ აგვარიდოს თავისი მრისხანება, რომ არ დავიღუპოთ“, — ამბობდა ის (იონ. 3:6—9).