⁴ იესომ იგავი შემდეგი სიტყვებით დაიწყო: „როცა მოვა კაცის ძე“. თქვენ ალბათ იცით, ვინ არის „კაცის ძე“. სახარების მწერლები ხშირად იყენებენ ამ გამოთქმას იესოს მიმართ. ასევე აკეთებდა იესოც და უეჭველია, მხედველობაში ჰქონდა დანიელის ხილვა ‘კაცის ძის მსგავსის’ შესახებ, რომელიც ‘ძველი დღეთას’ მიუახლოვდა ‘ხელმწიფობის, დიდების და მეფობის’ მისაღებად (დანიელი 7:13, 14; მათე 26:63, 64; მარკოზი 14:61, 62). მაშინ, როცა ამ იგავში მთავარი პიროვნება არის იესო, ის მაინც არ არის მარტო. როგორც ციტირებულია მათეს 24:30, 31-ში, ამ საუბრამდე მან თქვა, რომ როცა კაცის ძე ‘მოვა დიადი ძალითა და დიდებით’ მისი ანგელოზები შეასრულებენ მნიშვნელოვან როლს. მსგავსად ამისა, ცხვრებისა და თხების შესახებ იგავში იესოსთან ერთად, როცა ის გასასამართლებლად ‘ჯდება თავისი დიდების ტახტზე’, ნაჩვენებია ანგელოზები (შეადარე მათეს 16:27-თან). მაგრამ მოსამართლე და მისი ანგელოზები ზეცაში არიან, ასე რომ, არის თუ არა ამ იგავში ლაპარაკი კაცობრიობაზე?

ანგელოზებიც ესწრებიან ანგელოზებიც მოდიან მასთან მასთან ერთად ერთად