ცუდი ამბები ვერ შეაშინებს მას; მტკიცეა მისი გული, იეჰოვაზეა მინდობილი.

ფსალმ. 112:6—

კაცობრიობის ისტორიაში არასოდეს ყოფილა ამდენი ცუდი ამბავი — ომები, ტერორიზმი, ახალი თუ ძველი დაავადებები, დამნაშავეობა, სიღარიბე და გარემოს დაბინძურება. ეს ყველაფერი მათზეც ახდენს გავლენას, ვისაც ღმერთი მართლებად თვლის, მაგრამ მათ არ აშინებთ მომავალზე ფიქრი. მათი გული „მტკიცეა“ და „შეუდრეკელი“, რადგან მომავალს იმედის თვალით უყურებენ და იციან, რომ ღვთის სამართლიანი ახალი ქვეყნიერება ახლოსაა. უბედური შემთხვევების დროს ისინი ადვილად უმკლავდებიან სიტუაციას, რადგან იეჰოვას მხარდაჭერის იმედი აქვთ.

¹⁶ მართლებს ასევე უწევთ სიძულვილისა და სიცრუის ატანა მოწინააღმდეგეების მხრიდან. მაგრამ ისინი მაინც არ წყვეტენ ქადაგებას. ღვთის მსახურები მტკიცედ განაგრძობენ იეჰოვას დავალების შესრულებას — ქადაგებენ სამეფოს შესახებ სასიხარულო ცნობას და ამზადებენ მოწაფეებს.