ამის შემდეგ მან გააგრძელა ცოცხალი ქმნილებების შექმნა არა რაღაც საიდუმლო, ევოლუციის გაუგებარი პროცესით, არამედ უშუალოდ შემოქმედებით, ყოველი შექმნა „თავ-თავისი გვარისდა მიხედვით“ ბრძნული განზრახვისთვის (დაბადება 1:25). როცა დასასრულს ადამიანი იყო შექმნილი აღმატებული გონებრივი უნარითა და შესაძლებლობებით, რაც ცხოველებს არ ჰქონდათ, ღვთისშვილების, ანგელოზების, მოწონება გამოიხატებოდა მათი სიხარულის ყიჟინაში, რომელიც ექოსავით გაისმოდა ცაში (შეადარე იობი 38:1, 4, 7). იეჰოვას გონივრული წინდახედულება, მისი სიბრძნე და სიყვარული ნათლად ჩანს ყველა მის ქმნილებაში (ფსალმუნი 103:24).

¹⁴ სათანადოა, რომ ჩვენ, ღვთის მსგავსებად შექმნილი ადამიანები, ვცდილობთ, განვავითაროთ სიბრძნე და გონიერება — თვისებები, რომლებიც იეჰოვამ გამოავლინა თავისი დიდებული, შემოქმედებითი სამუშაოს შესრულებისას. „უფალმა სიბრძნით დააფუძნა ქვეყანა, გონიერებით გაამტკიცა ცამყარი“ (იგავნი 3:19,