5. რით ჰგვანან ღვთის დღევანდელი მსახურები ესაიას?

⁵ იეჰოვა ეუბნება ესაიას: „წადით შენ და შენი შვილი შეარ-იაშუბი და შეხვდით ახაზს ზემო ტბორის წყალსადენის ბოლოს, მრეცხავთა მინდვრის გზაზე“ (ესაია 7:3). წარმოიდგინეთ! მაშინ როდესაც მეფე უნდა ეძებდეს იეჰოვას წინასწარმეტყველს და ხელმძღვანელობას სთხოვდეს, წინასწარმეტყველს უწევს მეფის მოსაძებნად წასვლა! ყველაფრის მიუხედავად, ესაია უსიტყვოდ ასრულებს იეჰოვას დავალებას. მის მსგავსად დღეს ღვთის მსახურები მზად არიან, მოძებნონ ადამიანები, რომლებიც თავზარდაცემული არიან წუთისოფელში შექმნილი მდგომარეობით (მათე 24:6, 14). რა სასიხარულოა, რომ ყოველწლიურად ასიათასობით ადამიანი ეხმაურება კეთილი ცნობის მქადაგებლებს და იმედს ამყარებს იეჰოვას მფარველ მკლავზე!

6. ა) რა იმედის მომცემ ცნობას გადასცემს ესაია მეფე ახაზს? ბ) როგორი მდგომარეობაა დღეს?

⁶ ესაია ახაზს იერუსალიმის კედლებს გარეთ ნახულობს, სადაც ის ალყის მოლოდინში ქალაქის წყლით მომმარაგებელ არხებს ამოწმებს.

[სურათი 103 გვერდზე]

ესაიას თან ახლდა შეარ-იაშუბი, როდესაც ახაზს იეჰოვას ცნობას გადასცემდა.

7. რატომ არის ესაიას და მისი ვაჟის სახელების მნიშვნელობები იმედის მომცემი?

⁷ ახაზის დროს არა მხოლოდ ესაიას ცნობა, არამედ ესაიას და მისი ვაჟის სახელების მნიშვნელობაც უკვე იმედის ჩამსახველია იეჰოვაზე დაიმედებულთათვის. იუდას საფრთხე ემუქრება, მაგრამ ესაიას სახელის მნიშვნელობა — „იეჰოვას მიერ ხსნა“ — იმის მიმანიშნებელია, რომ იეჰოვა იხსნის ერს. იეჰოვა ეუბნება ესაიას, თან გაიყოლოს თავისი ვაჟი შეარ-იაშუბი, რომლის სახელიც ნიშნავს „მხოლოდ მცირე ნაწილი დაბრუნდება“. მას შემდეგაც კი, როდესაც იუდას სამეფო საბოლოოდ დაეცემა, ღმერთი თავისი მოწყალებით სამშობლოში დააბრუნებს იუდაელთა მცირე ნაწილს.