7, 8. როგორ არისხებს მოჯანყე ხალხი იეჰოვას?

⁷ მოჯანყე იუდაელები გამუდმებით არისხებენ იეჰოვას თავიანთი სამარცხვინო საქციელით. იეჰოვა აღწერს მათ მიერ ჩადენილ შეურაცხმყოფელ მოქმედებებს: «ხალხისაკენ, რომელიც დაუფარავად შეურაცხმყოფს გამუდმებით, მსხვერპლს სწირავს ჭალებში და აგურებზე საკმეველს აკმევს.

ესაია 65:3

ეს ვითომცდა ღვთისმოშიში ადამიანები „დაუფარავად“ შეურაცხყოფენ იეჰოვას, რაც კადნიერებასა და უპატივცემულობაზე მიუთითებს. ისინი არც კი ცდილობენ თავიანთ სისაძაგლეთა დაფარვას. განა უფრო მეტად დასაგმობი არ არის მათი საქციელი, როდესაც იმის თანდასწრებით სჩადიან ცოდვას, ვისაც პატივი უნდა მიაგონ და დაემორჩილონ?

ეს „ღვთისმოშიში“ ადამიანები მსხვერპლს სწირავენ და საკმეველს უკმევენ ღვთაებებს, რასაც ღვთის რჯული განსჯის (გამოსვლა 20:2—6).