²⁵ ახლა განახლებული ისრაელები სრულიად ენდობიან იეჰოვას და ხოტბას ასხამენ მას: «აჰა, ღმერთია ჩემი ხსნა, ვესავ და არ მეშინია, რადგან უფალია ჩემი ძალა და სიმღერა [„რადგან იაჰ იეჰოვაა ჩემი ძალა და ძლიერება“, აქ], უფალი! ის იყო ჩემი მხსნელი.

ესაია 12:2,

ებრაული სიტყვა, რომელიც მე-2 მუხლში „ძლიერებად“ არის ნათარგმნი, სეპტუაგინტაში „ხოტბის შესხმად“ გვხვდება. ღვთის თაყვანისმცემლები ერთხმად მღერიან ხოტბის შემსხმელ სიმღერებს „იაჰ იეჰოვას“ მიერ ხსნაზე. ღვთის სახელის, იეჰოვას, შემოკლებული ფორმა „იაჰ“ ბიბლიაში ღვთის განსაკუთრებულ განდიდებასა და მისადმი უდიდესი მადლიერების გრძნობას გამოხატავს. „იაჰ იეჰოვას“ გამოყენება ანუ ღვთის სახელის ორჯერ მოხსენიება კი იმაზე მეტყველებს, რომ უსაზღვროდ არის განდიდებული იეჰოვა.