14, 15. ა) რა დაემართება ედომის მიწასა და ქრისტიანულ სამყაროს? ბ) რას ნიშნავს და რას არ ნიშნავს მოგიზგიზე კუპრი და მარადიული კვამლი?

¹⁴ ამიტომაც ესაიას ამ წინასწარმეტყველების დარჩენილი ნაწილის განხილვისას მხედველობაში არა მარტო ძველი ედომი, არამედ ქრისტიანული სამყაროც უნდა მივიღოთ. „მისი ხევები კუპრად გადიქცევა და მისი მტვერი — გოგირდად, მისი მიწა მოგიზგიზე კუპრი გახდება.

ესაია 34:9,

ედომის მიწა ისე იწვება, თითქოს გოგირდად იყოს ქცეული მტვერი და წყლით კი არა, კუპრით იყოს სავსე მისი ხევები. შემდეგ ამ აალებად ნივთიერებებს ცეცხლი ეკიდება! (შეადარეთ გამოცხადება 17:16).

¹⁵ ზოგი აქ მოხსენიებულ ცეცხლს, კუპრსა და გოგირდს ცეცხლოვანი ჯოჯოხეთის არსებობის დამამტკიცებლად თვლის. მაგრამ ედომი არ არის ჩაგდებული რაღაც მითურ ჯოჯოხეთში, რათა სამარადისოდ იწვოდეს. ის განადგურებულია და აღარ არსებობს, თითქოს სრულად შთანთქა ცეცხლმა და გოგირდმა. როგორც წინასწარმეტყველების შემდგომი სიტყვებიდან ვხედავთ, საბოლოო ხვედრი არა მარადიული ტანჯვა, არამედ ‘უსახურობა, უდაბურობა და გადაშენებაა’ (ესაია 34:11, 12).