16, 17. რად გადაიქცევა ედომი და რამდენ ხანს იქნება ის ასეთ მდგომარეობაში?

¹⁶ შემდეგ ესაიას წინასწარმეტყველებაში ნათქვამია, რომ ედომში ხალხის ნაცვლად გარეული ცხოველები დაიდებენ ბინას, რაც იმას ნიშნავს, რომ ქვეყანა სრულიად გაუკაცრიელდება: „თაობიდან თაობამდე უკაცრიელი იქნება და არავინ იქნება იქ გამვლელი სამარადისოდ. ჭოტი და ზღარბი დაიმკვიდრებენ მას, ბუკიოტი და ყორანი დაიბუდებენ მასში; გასჭიმავს მასზე უსახურობის ლარს და უდაბურობის შვეულს. მისი აზნაურნი სამეფოს ვერ გამოაცხადებენ იქ; მისი მთავარნი გადაშენდებიან. მის დარბაზებში ეკალი ამოვა, ქაცვი და ძეძვი — მის ციხე-სიმაგრეებში, ტურების სადგომად იქცევა და სირაქლემათა საცხოვრებლად. ყოველი ჯურის მხეცი შეეყრება ერთმანეთს, ოჩოკოჩი ოჩოკოჩს დაუწყებს ხმობას; აქ დაიბუდებს ალი და იპოვის სადგურს. აქ მოიკალათებს გველი, დაყრის კვერცხებს“ (ესაია 34:10ბ—15)a.

¹⁷ დიახ, ედომი უკაცრიელ ქვეყანად იქცევა. გაუდაბურებულ მიწაზე გარეული ცხოველები, ფრინველები და ქვეწარმავლები დაიბუდებენ.