ყურში ჩამესმა ცაბაოთ უფლისგან: მრავალი სახლი გაუდაბურდება, დიდნი და კეთილნაგებნი გაუკაცრიელდებიან. ნამდვილად, ათ ქცევა ვენახში ერთი ბათიც არ მოვა და ერთი ხომერი თესლიდან ერთი ეფაც არ მოვა!“ (ესაია 5:8—10).

¹⁹ იეჰოვა აცხადებს, რომ ხარბებს წაართმევს უკანონოდ შეძენილ ქონებას. მათ მიერ მიტაცებული სახლები „გაუკაცრიელდება“, ხოლო მიწები უნაყოფო შეიქნება. მაგრამ არ არის ნათქვამი, როგორ და როდის შესრულდება ეს განაჩენი. როგორც ჩანს, ეს სიტყვები, ნაწილობრივ მაინც ეხებოდა მომავალში ბაბილონში ტყვედ ყოფნის პერიოდს (ესაია 27:10).