დაეპატრონება იგი ოქრო-ვერცხლის საგანძურებსა და ეგვიპტის ყველა ძვირფასეულობას; მისსავე კვალს დაადგებიან ლიბიელნი და ნუბიელნი [„ეთიოპელნი“, აქ]» (დანიელი 11:42, 43).

მაგრამ რა შეიძლება ითქვას „ლიბიელებსა და ეთიოპელებზე“? ძველი ეგვიპტის ეს მეზობელი ერები წინასახეობრივად წარმოადგენენ თანამედროვე „ეგვიპტის“ (სამხრეთის მეფის) გეოგრაფიულ მეზობლებს. დროდადრო ისინი მხარს უჭერდნენ ჩრდილოეთის მეფეს ანუ ‘მის კვალს ადგებოდნენ’.

¹⁹ დაეპატრონა ჩრდილოეთის მეფე ‘ეგვიპტის საგანძურებს’? მატერიალური სახსრების გამოყენებასთან დაკავშირებით ის მართლაც დიდ ზეგავლენას ახდენდა სამხრეთის მეფეზე. მოწინააღმდეგე მეფის შიშით სამხრეთის მეფე დიდძალ თანხებს ხარჯავდა ძლიერი ჯარის, სამხედრო-საზღვაო ფლოტისა და სამხედრო-საჰაერო ძალების შენახვაზე. ასეთნაირად, ჩრდილოეთის მეფე ‘ეპატრონებოდა’ ანუ განაგებდა სამხრეთის მეფის სიმდიდრეს.