და ვინც ერდოზე იქნება, ნუ ჩამოვა მაშინ და ნურც შევა შიგნით თავისი სახლიდან რაიმეს ასაღებად. და ვინც მინდორში იქნება, ნუ დაბრუნდება უკან თავისი სამოსლის ასაღებად,

მნიშვნელოვანია აგრეთვე იესოს გაფრთხილება იმის შესახებ, რომ მოწაფეები არ მიბრუნებულიყვნენ სახლში ტანსაცმლის ან სხვა ნივთების ასაღებად (მათე 24:17, 18). ასე რომ, შეიძლება წინ მატერიალურ ქონებასთან დაკავშირებით გამოცდა გველოდებოდეს; ქონება უფრო მნიშვნელოვანია ჩვენთვის, თუ ხსნა, რომელსაც ღმერთი მოუტანს ყველას, ვინც მის მხარეზეა? დიახ, გაქცევასთან შეიძლება გარკვეული სირთულეები და ზარალი იყოს დაკავშირებული. პირველი საუკუნის ძმებივით, რომლებიც იუდეიდან იორდანეს გაღმა, პერეაში გაიქცნენ, ჩვენც ყველაფრისთვის მზად უნდა ვიყოთ.