ის შენიშვნის მიცემის შემდეგაც ერთგული დარჩა

11. სად წაიყვანა იესომ თავისი მიმდევრები? (იხილეთ სქოლიო).

¹¹ ამ შემთხვევიდან მალევე იესო თავის მოციქულებთან და რამდენიმე მოწაფესთან ერთად ჩრდილოეთისკენ მიმავალ გრძელ გზას დაადგა. ზოგჯერ გალილეის ზღვიდან კარგად მოჩანდა აღთქმული მიწის უკიდურეს ჩრდილოეთში მდებარე ხერმონის მთის დათოვლილი მწვერვალი. მთა უფრო მეტად გამოიკვეთა, როცა ისინი ფილიპეს კესარეასთან ახლომდებარე სოფლებში ავიდნენ.b ამ მშვენიერ ადგილას, საიდანაც კარგად ჩანდა აღთქმული მიწის სამხრეთი ნაწილი, იესომ თავის მიმდევრებს მნიშვნელოვანი კითხვა დაუსვა.

12, 13. ა) რატომ იკითხა იესომ, რას ფიქრობდა ხალხი მასზე? ბ) როგორ გამოავლინა პეტრემ იესოსადმი გულწრფელი რწმენა თავის სიტყვებში?

¹² „რას ამბობს ხალხი ჩემზე, ვინ არისო?“ — აინტერესებდა მას. შეგვიძლია წარმოვიდგინოთ, როგორ შესცქეროდა პეტრე იესოს თვალებში და ხედავდა თავისი მოძღვრის გამჭრიახობას, გულკეთილობასა და ძალას. იესოს აინტერესებდა, რას ასკვნიდა ხალხი ნანახისა და მოსმენილის საფუძველზე.

“ (ლუკ. 9:18