ქვას ქვაზე არ დაგიტოვებენ, რადგან ვერ დაინახე, რომ შენი შემოწმების დრო იყო“ (ლუკა 19:41—44).

ტიტუსს ნაბრძანები ჰქონდა, რომ ტაძარს არ შეხებოდნენ, მაგრამ ერთ-ერთმა ჯარისკაცმა იგი ცეცხლს მისცა და იესოს წინასწარმეტყველებისამებრ, ქალაქში ქვა ქვაზე არ დარჩა. იოსებ ფლავიუსის სიტყვების თანახმად, დაახლოებით 1 100 000 იუდეველი და პროზელიტი დაიღუპა; უმრავლესობა შიმშილმა და ჭირმა იმსხვერპლა, ხოლო 97 000 ტყვედ წაასხეს. ბევრი აგრეთვე რომში მონებად წაიყვანეს. თუ ოდესმე რომს ეწვევით, შეგიძლიათ ცნობილი კოლიზეუმი ნახოთ, რომლის აგებაც ტიტუსმა იუდეაზე გალაშქრების შემდეგ დაასრულა. აგრეთვე ტიტუსის ტრიუმფალური თაღი, რომელიც იერუსალიმზე გამარჯვების აღსანიშნავად აიგო.