შემდეგ იესოს კიდევ ერთი მაგალითი მოჰყავს. ამჯერად მას იმის ჩვენება სურს, რომ ისინი, ვინც ვითომდა ხალხის სულიერი განმანათლებლები არიან, მხოლოდ ღვთის ნების შესრულებაზე კი არ ამბობენ უარს, არამედ კიდევ უარესი, ბოროტებიც არიან. იესო ჰყვება: „ერთმა კაცმა ვენახი გააშენა, ღობე შემოავლო, შიგნით საწნახელი ამოკვეთა, კოშკი ააგო და მევენახეებს მიაქირავა, თვითონ კი სხვა ქვეყანაში წავიდა. დანიშნულ დროს მევენახეებს მონა გაუგზავნა, რომ ვენახის ნაყოფის ნაწილი წამოეღო.

ამ მაგალითის თანახმად, „ვენახის პატრონი“ იეჰოვაა, „ვენახი“ ისრაელი ერია, რომელსაც ღობესავით იცავს ღვთის კანონი. იეჰოვა თავის ხალხს წინასწარმეტყველებს უგზავნიდა, რათა მათი მეშვეობით დარიგებები მიეცა მათთვის და კარგი ნაყოფის გამოღებაში დახმარებოდა.