3. პეტრეს მითითების თანახმად, წარსულში მომხდარი რომელი მოვლენები გამეორდებოდა?

³ მას შემდეგ, რაც პეტრე ძმებს წინასწარმეტყველებისთვის ყურადღების მიქცევისკენ მოუწოდებს, ამბობს: „იყვნენ აგრეთვე ცრუწინასწარმეტყველნი ხალხში [ძველ ისრაელში], ისევე, როგორც თქვენშიც იქნებიან ცრუმოძღვარნი“ (2 პეტრე 1:14—2:1). ძველ დროში ღმერთი თავის ხალხს ჭეშმარიტ წინასწარმეტყველებებს აძლევდა, მაგრამ მათ ცრუწინასწარმეტყველთა დამახინჯებულ სწავლებებთანაც უწევდათ ბრძოლა (იერემია 6:13, 14; 28:1–3, 15). „იერუსალიმის წინასწარმეტყველთა შორისაც, — წერდა იერემია, — ვხედავ სიბილწეს: გარყვნილებას მისდევენ და ცრუობენ“ (იერემია 23:14).

4. რატომ იმსახურებენ ცრუმოძღვრები განადგურებას?

⁴ პეტრე აღწერს, თუ რას გააკეთებდნენ ცრუმოძღვარნი ქრისტიანულ კრებაში: «[„ჩუმად“, აქ] შემოიღებენ დამღუპველ მწვალებლობას, თავიანთ გამომსყიდველ ხელმწიფეს [იესო ქრისტეს] უარყოფენ და სწრაფად დაიღუპავენ თავს» (2 პეტრე 2:1; იუდა 4). პირველი საუკუნის ასეთი მწვალებლობის შედეგი დღეს ჩვენთვის ცნობილი ქრისტიანული სამყაროს არსებობაა.

ცრუმოძღვრებების შემოტანა

6. როგორი მოტივები ამოძრავებს ცრუმოძღვრებს და როგორ ცდილობენ ისინი თავიანთი საწადელის შესრულებას?

⁶ გონივრულია, მხედველობაში მივიღოთ, თუ როგორ შემოაქვთ ცრუმოძღვრებს გამხრწნელი აზროვნება. პეტრე თავდაპირველად ამბობს, რომ ისინი ამას წყნარად, ანუ შეუმჩნევლად, მოხერხებულად აკეთებენ.