11 Ntangu yandi zolaka kukota na Ezipte, yandi tubilaka Sarai nkento na yandi nde: “Mono ke bondila nge, wa! Mono me zaba nde nge kele nkento ya kitoko mingi.+ 12 Yo yina, ntangu bantu ya Ezipte ta mona nge, bo ta tuba kibeni nde: ‘Yai nkento na yandi.’ Ebuna bo ta fwa mono kansi bo ta bika nge na luzingu. 13 Mono ke bondila nge, tuba nde nge kele mpangi na mono, mpidina bo ta sadila mono mambu ya mbote sambu na nge, ebuna bo ta fwa mono ve.”*+